എളുപ്പത്തിൽ രുചികരമായ മീൻ കറി എങ്ങനെ തയാറാക്കാമെന്ന് നോക്കൂ…

ചോറിന്റെ കൂടെ നല്ല എരിയും പുളിയുമുള്ള മീൻകറിയുണ്ടെങ്കിലോ? മീൻ കറിയുണ്ടാക്കാൻ അത്ര സമയം ഒന്നും വേണ്ടന്നെ. വളരെ എളുപ്പത്തിൽ രുചികരമായ മീൻ കറി എങ്ങനെ തയാറാക്കാമെന്ന് നോക്കൂ.

ആവശ്യമായ സാധനങ്ങൾമീൻ – 400 ഗ്രാം
ചെറിയഉള്ളി – 8 എണ്ണം.

ഇഞ്ചി – ഒരു ചെറുത്

വെളുത്തുള്ളി – 2 അല്ലി

പച്ചമുളക് – 4 എണ്ണം

തക്കാളി – 1

കുടംപുളി – 3 എണ്ണം

തേങ്ങപാൽ കട്ടിയുള്ളത് – 1/2 കപ്പ്

മുളക്പൊടി(കാശ്മീരി ) – 4 ടീ സ്പൂൺ

മഞ്ഞൾപൊടി – 1/2 ടീ സ്പൂൺ

മല്ലിപൊടി – 1/2 ടീ സ്പൂൺ

കടുക് – 1 ടീ സ്പൂൺ

കറിവേപ്പില

തയാറാക്കുന്ന വിധം

ഉള്ളി, ഇഞ്ചി, വെളുത്തുള്ളി പച്ചമുളകും നീളത്തിൽ അരിഞ്ഞതും തക്കാളി മുറിച്ചതും പൊടികളും കുടംപുളിയും കൂടെ ഒരു ഗ്ലാസ് വെള്ളത്തിൽ ചട്ടിയിൽ ഇട്ടു തിളപ്പിക്കുക.

തിളച് രണ്ട് മിനിറ്റ് കഴിഞ്ഞ് അതിലേക്ക് മീൻ ഇടുക.ആവശ്യത്തിന് വെള്ളവും ചേർക്കാം.

മീൻ വെന്തതിനു ശേഷം ഒരു ടീ സ്പൂൺ വെളിച്ചെണ്ണയും തേങ്ങാപാലും കൂടെ ചേർത്ത് ഒന്ന് ചൂടാക്കി തീ അണയ്ക്കാം.

ഒരു പാനിൽ എണ്ണ ഒഴിച്ചു ചൂടാവുമ്പോൾ കടുകും കറിവേപ്പിലയും ഇട്ട് ചൂടാക്കി കറിയിലേക്ക് ഒഴിക്കാം.

രുചികരമായ മീൻ കറി റെഡി

1
Back to top button