കരുത്തുള്ള താടിയും മീശയും വളരാൻ ഇക്കാര്യങ്ങൾ ശ്രദ്ധിച്ചാല്‍ മതി

കനത്തിലുള്ള താടിയും മീശയുമാണ് ഇപ്പോഴത്തെ ട്രെന്‍റ്. വൃത്തിയായി വെട്ടിയൊതുക്കിയ നീളമുള്ള താടിയും പിരിച്ചുവെച്ച മീശയും ഒരു കൂളിങ് ഗ്ലാസും കൂടി വെച്ചാല്‍ ലുക്കിന്‍റെ കാര്യം പറയണോ???. പൗരുഷത്തിന്‍റെ ലക്ഷണങ്ങള്‍ തന്നെ താടിയും മീശയുമാണ് എന്ന് വിചാരിക്കുന്നവരാണ് പലരും. എന്നാല്‍ താടിയും മീശയും ഇല്ലാത്തവരോ ശരിയായി വളരാത്തവരോ ഇനി പറയുന്ന കാര്യങ്ങൾ ശ്രദ്ധിച്ചാൽ മതി. നല്ല കരുത്തുള്ള താടിയും മീശയും നിങ്ങൾക്കും സ്വന്തമാക്കാം.

ആവണക്കെണ്ണ താടിയും മീശയും മാത്രമല്ല മുടി വളരാനും ഒരു നല്ല ഔഷധമാണ്. ആവണക്കെണ്ണ രാത്രി മുഴുവന്‍ താടിയിലും മീശയിലും പുരട്ടി രാത്രി മുഴുവന്‍ വെച്ച ശേഷം രാവിലെ എഴുന്നേറ്റ് തണുത്ത വെള്ളത്തില്‍ കഴുകിക്കളയുന്നത് ശീലമാക്കാം. ആവണക്കെണ്ണയും ബദാം ഓയിലും കല‍ര്‍ത്തി താടിയില്‍ പുരട്ടുന്നതും താടിയുടേയും മീശയുടേയും കരുത്ത് കൂട്ടും. മുടിയുടേയും താടിയുടേയും എല്ലാം അടിസ്ഥാന ഘടകം ഡയറ്റ് തന്നെയാണ്. പ്രോട്ടീന്‍, വിറ്റാമിനുകൾ, ധാതുക്കള്‍, ഇരുമ്പ്, സിങ്ക്, കോപ്പ‍ര്‍ തുടങ്ങിയവ അടങ്ങിയ ഭക്ഷണങ്ങള്‍ ഭക്ഷണത്തില്‍ കൂടുതലായി ഉൾപ്പെടുത്തുക.ഡോക്ടറെ സമീപിച്ച് ടെസ്റ്റോസ്റ്റിറോണ്‍ സപ്ലിമെന്‍റ് കഴിക്കുന്നതും ഉചിതമാണ്. ധാരാളം വെള്ളം കുടിക്കുന്നതും താടിയും മീശയും വളരാന്‍ സഹായിക്കും. ഇത് ശരീരത്തിലെ ടോക്‌സിനുകളെ പുറന്തള്ളി രോമകൂപങ്ങളിലേക്കുള്ള രക്തയോട്ടത്തെ വര്‍ധിപ്പിക്കും. മാനസിക സമ്മര്‍ദ്ദം നേരിടുന്ന വ്യക്തിയാണ് നിങ്ങൾ എങ്കില്‍ അത് അടിയന്തിരമായി കുറക്കുക. പലപ്പോഴുെ മുടി കൊഴിച്ചിലിന്‍റെ പ്രധാന കാരണം മാനസിക സമ്മര്‍ദ്ദമാണ്. അതുകൊണ്ട് തന്നെ മുടി കൊഴിച്ചില്‍ മാറാനും താടിയും മീശയും വളരനും യോഗ, മെഡിറ്റേഷന്‍ പോലുള്ള ആരോഗ്യമുറകള്‍ പരിശീലിക്കുന്നത് നല്ലതാണ്.

ഉറക്കമില്ലായ്മയും താടിയുടെയും മീശയുടെയും വളര്‍ച്ചയെ സ്വാധീനിക്കും. ഉറക്കമില്ലെങ്കില്‍ നിങ്ങളുടെ ശരീരത്തിലെ റിസ്റ്റോറേഷന്‍ അഥവാ പുനര്‍നിര്‍മ്മാണം നടക്കുകയില്ല. ഇത് ആരോഗ്യ പ്രശ്‌നങ്ങള്‍ക്കും കാരണമാകും. അതിനാല്‍ ദിവസേന രാത്രി കാലങ്ങളില്‍ എട്ട് മണിക്കൂര്‍ ഉറക്കം ശീലമാക്കുക.

1
Back to top button