ന്യൂമോണിയ മാറാൻ മന്ത്രവാദം, കൊല്ലപ്പെട്ടത് പത്താം ക്ലാസ് വിദ്യാര്‍ത്ഥി.

ന്യൂമോണിയ മാറാൻ മന്ത്രവാദം

കൊല്ലം: ന്യൂമോണിയ മാറാനായി ദുര്‍മന്ത്രവാദം നടത്തുന്നതിനിടെ കൊല്ലം മുതിരപ്പറമ്പിൽ പതിനാറുകാരി കൊല്ലപ്പെട്ട സംഭവത്തിൽ ഒരാളെക്കൂടി അറസ്റ്റ ചെയ്തു. പെൺകുട്ടിയുടെ പിതൃസഹോദരിമാരും കൊട്ടിയം സ്വദേശി നൗഷാദ് എന്നയാളുമാണ് ഇതുവരെ അറസ്റ്റിലായിട്ടുള്ളത്. പ്രതികളുടെ മേൽ മനഃപൂര്‍വ്വമല്ലാത്ത നരഹത്യയ്ക്കുള്ള വകുപ്പാണ് ചുമത്തിയിരിക്കുന്നത്. അറസ്റ്റിലായ പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.

ഏപ്രിൽ 12നാണ് തിരുനെൽവേലിയിൽ വെച്ച് പെൺകുട്ടി മരിച്ചത്. മരിക്കുന്നതിനു മുൻപ് കുട്ടി ലൈംഗികപീഡനത്തിനും ഇരയായെന്നാണ് പോസ്റ്റ്മോര്‍ട്ടം റിപ്പോര്‍ട്ടിൽ പറയുന്നത്.

ന്യുമോണിയ ബാധിച്ച കുട്ടിയെ ആശുപത്രിയിലെത്തിച്ച് ശരിയായ ചികിത്സ നല്‍കാതിരുന്ന ബന്ധുക്കള്‍ ദുര്‍മന്ത്രവാദത്തിനായി തിരുനെൽവേലിയിലേയ്ക്ക് കൊണ്ടുപോകുകയായിരുന്നുവെന്നാണ് റിപ്പോര്‍ട്ടുകള്‍. തിരുനെൽവേലിയിൽ വെച്ച് കുട്ടി ലൈംഗികപീഡനത്തിനും ഇരയായി. തുടര്‍ന്ന് തിരുനെൽവേലി ആറ്റിൻകരയിലെ ലോഡ്ജ് മുറിയിൽ കുട്ടിയെ മരിച്ച നിലയിൽ കണ്ടെത്തുകയായിരുന്നു.

ചികിത്സ ലഭിക്കാതെ ന്യൂമോണിയ മൂര്‍ച്ഛിച്ചാണ് കുട്ടി മരിക്കാനിടയായത്. പത്താം ക്ലാസ് വിദ്യാര്‍ത്ഥിനിയാണ് കൊല്ലപ്പെട്ടത്. ആവശ്യത്തിന് ആഹാരം പോലും നല്‍കാതെയാണ് കുട്ടിയെ ദുര്‍മന്ത്രവാദത്തിന് ഇരയാക്കിയതെന്നാണ് പോലീസ് പറയുന്നത്. സംഭവത്തിൽ കുട്ടിയുമായി അടുപ്പമുണ്ടായിരുന്ന ഒരു പ്രായപൂര്‍ത്തിയായ ആൺകുട്ടിയും അറസ്റ്റിലായിട്ടുണ്ട്.

കുട്ടിയുടെ അച്ഛന് വിദേശത്താണ് ജോലി. ഏഴ് വര്‍ഷം മുൻപ് അമ്മ മരണപ്പെട്ടതോടെ അച്ഛന്‍റെ സഹോദരിമാര്‍ക്കൊപ്പമാണ് കൊല്ലപ്പെട്ട പെൺകുട്ടി താമസിച്ചിരുന്നത്. അമ്മയുടെ പ്രേതബാധ കുട്ടിയ്ക്കുണ്ടെന്ന അന്ധവിശ്വാസമാണ് ചികിത്സ നല്‍കാതെ ദുര്‍മന്ത്രവാദം നടത്താൻ ബന്ധുക്കളെ പ്രേരിപ്പിച്ചത്.

Back to top button