ദുൽഖര്‍ നായകനാകുന്ന യെമണ്ടൻ പ്രേമകഥ’യ്ക്ക് തീയേറ്ററുകളിൽ മികച്ച പ്രതികരണം

ദുൽഖര്‍ നായകനാകുന്ന യെമണ്ടൻ പ്രേമകഥ'യ്ക്ക് തീയേറ്ററുകളിൽ മികച്ച പ്രതികരണം

യെമണ്ടൻ പ്രേമകഥ’യ്ക്ക് തീയേറ്ററുകളിൽ മികച്ച പ്രതികരണം

ഏറെ കാലത്തിന് ശേഷം ദുൽഖര്‍ നായകനാകുന്ന ചിത്രം ഒരു യെമണ്ടൻ പ്രേമ കഥ തീയേറ്ററുകളിലെത്തി. മികച്ച പ്രതികരണമാണ് ചിത്രത്തിന് തീയേറ്ററുകളിൽ നിന്ന് ലഭിച്ചുവരുന്നത്. ആദ്യപകുതിയിൽ പ്രേക്ഷകരെ കുടുകുടാ ചിരിപ്പിക്കാനുള്ള വിഭവങ്ങളാണ് ഒരുക്കിയിരിക്കുന്നതെന്നാണ് റിപ്പോര്‍ട്ട്. വിഷ്ണു ഉണ്ണികൃഷ്ണൻ- ബിബിൻ ജോർജ് തിരക്കഥയുടെ മുഖമുദ്രയായ കോമഡിയാണ് ചിത്രത്തിലെ വലിയ ഘടകമെന്നും ഇത് തന്നെയാണ് ചിത്രത്തെ മുന്നോട്ട് കൊണ്ട് പോകുന്നതെന്നും റിപ്പോര്‍ട്ടുകൾ പറയുന്നു. പതിഞ്ഞതാളത്തിൽ തുടങ്ങുന്ന ചിത്രം തീയേറ്ററിൽ ചിരിയുടെ പൊടിപൂരം തീര്‍ക്കുകയാണെന്നും റിപ്പോര്‍ട്ടുകളിൽ പറയുന്നു.

കഴിഞ്ഞ വര്‍ഷം ദുൽഖറിന്‍റെ മലയാള ചിത്രങ്ങള്‍ ഒന്നും പുറത്തിറങ്ങിയിരുന്നില്ല. സോളോ പുറത്തിറങ്ങിയതിന് 566 ദിവസങ്ങൾക്ക് ശേഷമെത്തുന്ന നടൻ ദുൽഖര്‍ സൽമാന്‍റെ മലയാള ചിത്രം എന്ന ഖ്യാതിയോടെയാണ് ”ഒരു യമണ്ടൻ പ്രേമകഥ” തീയേറ്ററുകളിലെത്തിയിരിക്കുന്നത്. സലിം കുമാറും സൗബിൻ ഷാഹിറും വിഷ്ണു ഉണ്ണികൃഷ്ണനും ബിബിൻ ജോര്‍ജ്ജും അടക്കം വലിയ താര നിരതന്നെ ചിത്രത്തിലുണ്ട്.

ല്ലലു എന്ന തനി നാട്ടിൻപുറത്തുകാരനായുള്ള കഥാപാത്രമായാണ് ചിത്രത്തിൽ ദുൽഖറെത്തുന്നത്. ചിത്രത്തിലെ ദുൽഖറിൻ്റെ തട്ടുപൊളിപ്പൻ ഡപ്പാംകൂത്ത് ഡാൻസ് വീഡിയോയും പുറത്തിറങ്ങിയിരുന്നു. ചിത്രത്തിൻ്റെ ടീസറുകൾക്കും വൻ സ്വീകാര്യതയാണ് ലഭിച്ചിരുന്നത്.

Back to top button