GST മദ്യവില കൂട്ടും; ഏറ്റവും കൂടുതല്‍ ബാധിക്കുക ബിയറിനെ.

ചരക്ക് സേവന നികുതി (ജിഎസ്‍ടി) നടപ്പിലാക്കുന്നതോടെ മദ്യത്തിന് വിലകൂടാന്‍ സാധ്യത.

ആല്‍ക്കഹോള്‍ ജിഎസ്‍ടിയുടെ പരിധിക്ക് പുറത്താണെങ്കിലും മദ്യ ഉല്‍പ്പാദനവുമായി ബന്ധപ്പെട്ട മറ്റുമേഖലകള്‍ ജിഎസ്‍ടിയുടെ പരിധിയില്‍ വരുന്നത് മദ്യത്തിന്‍റെ വിലകൂട്ടുമെന്നാണ് പ്രതീക്ഷിക്കുന്നത്.

വിസ്‍കി മുതല്‍ വൈന്‍ വരെയുള്ള മദ്യ ഉല്‍പ്പന്നങ്ങളില്‍ വില വര്‍ധന പ്രതീക്ഷിക്കാമെന്ന് ഉല്‍പ്പാദകര്‍ മുന്നറിയിപ്പ് നല്‍കുന്നു. ഇപ്പോഴത്തെ കണക്ക് അനുസരിച്ച് 12-15 ശതമാനംവരെയാണ് ഇന്‍പുട്ട് കോസ്റ്റ് വര്‍ധിക്കുക.

ഇത് ഉപയോക്താക്കളില്‍ നിന്ന് ഈടാക്കേണ്ടിവരുമെന്ന് മദ്യ നിര്‍മ്മാതക്കളുടെ സംഘട ഓള്‍ ഇന്ത്യ ബ്ര്യൂവേഴ്‍സ് അസോസിയേഷന്‍ പറയുന്നു.ബിയര്‍ ആയിരിക്കും ഏറ്റവും കൂടുതല്‍ വില വര്‍ധന നേരിടുന്ന ഉല്‍പ്പന്നം. ജൂലൈ ഒന്നിനാണ് ചരക്ക് സേവന നികുതി പ്രാബല്യത്തില്‍ വരുന്നത്.

Back to top button