Uncategorized

ലഹരി മരുന്ന് കേസിൽ കാജൾ അഗർവാളിന്‍റെ മാനേജർ അറസ്റ്റിൽ.

ഹൈദരാബാദ്: ലഹരിമരുന്ന് കൈയിൽ വച്ച കേസിൽ തെന്നിന്ത്യൻ നടി കാജൾ അഗർവാളിന്‍റെ മാനേജർ അറസ്റ്റിൽ.

പുട്ട്കർ റോൺസൺ ജോസഫാണ് പോലീസ് നടത്തിയ അന്വേഷണത്തിൽ പിടിയിലായത്. ഹൈദരാബാദിലുള്ള ഇയാളുടെ വീട്ടിൽ നിന്നും മയക്കുമരുന്ന് കണ്ടെടുത്തതിനെ തുടർന്നായിരുന്നു അറസ്റ്റ്.

മയക്കുമരുന്ന് മാഫിയ സംഘവുമായി ബന്ധമുണ്ടെന്ന സംശയത്തെ തുടർന്ന് പതിനഞ്ചോളം വരുന്ന തെലുങ്ക് സിനിമ താരങ്ങൾക്കെതിരെ എക്സൈസ് വകുപ്പ് നോട്ടീസ് അയച്ചിരുന്നു.

മുമൈത്ത് ഖാന്‍,പുരി ജഗന്നാഥ്, രവി തേജ, ഗായിക ഗീതാ മാധുരിയുടെ ഭര്‍ത്താവ് നന്ദു, സുബ്രാം രാജു, നവദീപ്, താനിഷ്, ചാര്‍മി എന്നിവർക്കാണ് നോട്ടീസ് അയച്ചത്. ഇതിൽ ചിലരെ ചോദ്യം ചെയ്യലിനും വിധേയമാക്കിയിരുന്നു.

 ഹൈദരാബാദിൽ കഴിഞ്ഞ ദിവസം പിടിയിലായ ഒരാളിൽ നിന്നാണ് തെലുങ്ക് താരങ്ങൾക്ക് ലഹരി മാഫിയയുമായി ബന്ധമുണ്ടെന്ന വിവരം ലഭിച്ചത്.
ഇതുമായി ബന്ധപ്പെട്ട ചില തെളിവുകൾ ഇയാളുടെ മൊബൈലിൽ നിന്നും പോലീസിന് ലഭിക്കുകയും ചെയ്തു. അതിന്‍റെ പശ്ചാത്തലത്തിലായിരുന്നു എക്സൈസ് സംഘം നോട്ടീസ് അയച്ചത്.
Tags
Back to top button