Uncategorized

കാവ്യാ മാധവന്റെ അമ്മയേയും അന്വേഷണസംഘം ചോദ്യം ചെയ്തു.

കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ടു കാവ്യാ മാധവന്റെ അമ്മയേയും അന്വേഷണസംഘം ചോദ്യം ചെയ്തു.

ചൊവ്വാഴ്ച രാത്രിയാണ് കാവ്യയുടെ അമ്മയെ ചോദ്യം ചെയ്തത്. അതേ സമയം, നടി ആക്രമിക്കപ്പെട്ട സംഭവത്തിലെ ഗൂഡാലോചനയിൽ കാവ്യയുടെ പങ്കിനെ കുറിച്ച് വ്യക്തമായ സൂചന ലഭിച്ചിട്ടില്ലെന്ന് റൂറല്‍ എസ്പി എവി ജോര്‍ജ്ജ് പറഞ്ഞു.

കൊട്ടേഷന്‍ സംബന്ധിച്ച് എന്തെങ്കിലും വിവരങ്ങളുണ്ടോ എന്നറിയാനാണ് കാവ്യയെയും അമ്മയെയും ചോദ്യം ചെയ്തത്.

സംഭവത്തെ കുറിച്ച് തനിക്ക് യാതൊരു വിവരവുമില്ലെന്നാണ് പോലീസിനോട് കാവ്യ പറഞ്ഞത്.

കാവ്യയുടെ വസ്ത്രസ്ഥാപനമായ ‘ലക്ഷ്യ’യുടെ ചുമതല അമ്മയ്ക്കായിരുന്നു. ഇക്കാരണത്താലാണ് അമ്മയെ ചോദ്യം ചെയ്തതെന്നാണ് സൂചന.

 ഇന്നലെ രാത്രി ദിലീപിന്റെ ആലുവയിലുള്ള തറവാട്ടുവീട്ടില്‍വെച്ചാണ് അന്വേഷണ സംഘം കാവ്യയെ ചോദ്യംചെയ്തത്.
എ.ഡി.ജി.പി. ബി. സന്ധ്യയുടെ നേതൃത്വത്തിലാണ് ചോദ്യം ചെയ്യൽ നടന്നത്. പൾസർ സുനിയെ തനിക്ക് അറിയില്ലെന്നും കാവ്യ മൊഴി നൽകിയിട്ടുണ്ട്.
ആവശ്യമെങ്കില്‍ കാവ്യയെ വീണ്ടും വിളിച്ചുവരുത്തി ചോദ്യം ചെയ്യുമെന്ന് പോലീസ് വൃത്തങ്ങള്‍ ഇന്ന് അറിയിച്ചിരുന്നു.
Tags
Back to top button