സംസ്ഥാനത്ത് ഇന്നു മുതൽ അനിശ്ചിതകാല സ്വകാര്യ ബസ് സമരം.

സ്വകാര്യ ബസ് സമരം

കൊച്ചി: സംസ്ഥാനത്തെ സ്വകാര്യ ബസുകൾ വെള്ളിയാഴ്ച മുതൽ അനിശ്ചിതകാല പണിമുടക്കിലേക്ക്. വിദ്യാർഥികളുടെ ബസ് ചാർജ് വർധന അപര്യാപ്തമാണെന്ന് ചൂണ്ടികാണിച്ചാണ് അനിശ്ചിതകാല സമരത്തിന് ആഹ്വാനം ചെയ്തിരിക്കുന്നത്. ബസുടമകളുടെ സംയുക്ത സമരസമിതി വ്യാഴാഴ്ച കൊച്ചിയിൽ യോഗം ചേർന്നിരുന്നു. മിനിമം ചാർജ് 10 രൂപയാക്കണമെന്നും വിദ്യാർഥികളുടെ കൺസഷൻ നിരക്ക് 50 ശതമാനമാക്കണമെന്നും യോഗത്തിൽ ആവശ്യപ്പെട്ടു.

ആവശ്യങ്ങൾ അംഗീകരിച്ചില്ലെങ്കിൽ 19ന് സെക്രട്ടേറിയറ്റിന് മുന്നിൽ അനിശ്ചിതകാല നിരാഹാര സമരമാരംഭിക്കുമെന്നും ഭാരവാഹികൾ അറിയിച്ചു. പു​തി​യ നി​ര​ക്ക് വ​ർ​ധ​ന കെ.​എ​സ്.​ആ​ർ.​ടി​സി​ക്ക് വേ​ണ്ടി മാ​ത്ര​മു​ള്ള​താ​ണെ​ന്ന് ഇ​വ​ർ ആ​രോ​പി​ച്ചത്. കേ​ര​ള​ത്തി​ലെ 12 സ്വ​കാ​ര്യ ബ​സ് സം​ഘ​ട​ന​ക​ളു​ടെ കീ​ഴി​ലു​ള്ള 14,800 ബ​സു​ക​ൾ പ​ണി​മു​ട​ക്കിൽ പങ്കുചേരും.

സ്വകാര്യ ബസുകളില്‍ 60 ശതമാനത്തോളം യാത്രക്കാര്‍ വിദ്യാര്‍ഥികളാണ്. ഇ​വ​രു​ടെ യാത്രാനി​ര​ക്ക് വർധിപ്പിക്കാതെ ബ​സ് സ​ർ​വി​സ് മു​ന്നോ​ട്ട്​ കൊ​ണ്ടു​പോ​കാ​നാവില്ല. വി​ദ്യാ​ർ​ഥി​ക​ൾ​ക്ക് യാത്രാനുകൂല്യങ്ങൾ ന​ൽ​കേ​ണ്ട ബാ​ധ്യ​ത സ്വ​കാ​ര്യ ബ​സു​ക​ൾ​ക്ക് ഇ​ല്ലെ​ന്ന് ജ​സ്​​റ്റി​സ് രാ​മ​ച​ന്ദ്ര​ൻ ക​മീ​ഷ​ൻ റി​പ്പോ​ർ​ട്ട് വ്യ​ക്ത​മാ​ക്കു​ന്നു​ണ്ട്. വി​ദ്യാ​ർ​ഥി​ക​ളു​ടെ ക​ൺ​സ​ഷ​ൻ ചാ​ർ​ജ്​ മി​നി​മം അ​ഞ്ച്​ രൂ​പ​യാ​ക്ക​ണം. ഇ​ല്ലെ​ങ്കി​ൽ ക​ൺ​സ​ഷ​ൻ ന​ൽ​കു​ന്ന​ത്​ നി​ർ​ത്തി​വെ​ക്കും. വാ​ർ​ത്ത​സ​മ്മേ​ള​ന​ത്തി​ൽ കേ​ര​ള പ്രൈ​വ​റ്റ് ബ​സ് ഓ​പ​റേ​റ്റേ​ഴ​സ് ഫെ​ഡ​റേ​ഷ​ന്‍ ജ​ന​റ​ല്‍ സെ​ക്ര​ട്ട​റി ലോ​റ​ന്‍സ് ബാ​ബു, ടി. ​ഗോ​പി​നാ​ഥ​ന്‍, പി.​കെ. മൂ​സ, എം.​കെ. ബാ​ബു​രാ​ജ് എ​ന്നി​വ​ർ പങ്കെടുത്തു.

new jindal advt tree advt
Back to top button