2018-ലെ കേരള സംസ്ഥാന ചലച്ചിത്ര ചഅവാര്‍ഡുകൾ പ്രഖ്യാപിച്ചു.

2018-ലെ കേരള സംസ്ഥാന ചലച്ചിത്ര അവാര്‍ഡുകൾ പ്രഖ്യാപിച്ചു.

തിരുവനന്തപുരം:2018-ലെ കേരള സംസ്ഥാ2018ന ചലച്ചിത്ര അവാര്‍ഡുകൾ പ്രഖ്യാപിച്ചു. മികച്ച കഥാചിത്രമായി ഷെരീഫ് സി. സംവിധാനം ചെയ്ത ‘കാന്തൻ ദ ലവര്‍ ഓഫ് കളര്‍’ തിരഞ്ഞെടുത്തു. 2 ലക്ഷം രൂപയും പ്രശസ്തിപത്രവുമാണ് പുരസ്കാരം. രണ്ടാമത്തെ മികച്ച കഥാചിത്രമായി ശ്യാമപ്രസാദിന്‍റെ ‘ഒരു ഞായറാഴ്ച’യും തിരഞ്ഞെടുത്തു. മികച്ച സംവിധായകൻ ശ്യാമപ്രസാദ് തന്നെയാണ്. മികച്ച നടനായി ‘ക്യാപ്റ്റൻ’, ‘ഞാൻ മേരികുട്ടി’ എന്നീ സിനിമകളിലെ അഭിനയത്തിന് ജയസൂര്യയും ‘സുഡാനി ഫ്രം നൈജീരിയ’യിലെ അഭിനയത്തിന് സൗബിൻ ഷാഹിറും പങ്കിട്ടു.

മികച്ച നടിയായി നിമിഷ സജയനെ തിരഞ്ഞെടുത്തു. ‘ചോല’, ‘ഒരു കുപ്രസിദ്ധ പയ്യൻ’ എന്നീ ചിത്രങ്ങളിലെ അഭിനയത്തിനാണിത്. മികച്ച സ്വഭാവ നടനായി ജോജു ജോര്‍ജ്ജിനെ തിരഞ്ഞെടുത്തു. ‘ചോല’, ‘ജോസഫ്’ എന്നീ ചിത്രങ്ങളിലെ അഭിനയത്തിനാണിത്. മികച്ച സ്വഭാവ നടിയായി സാവിത്രി ശ്രീധരൻ, സരസ ബാലുശ്ശേരി എന്നിവരെ തിരഞ്ഞെടുത്തു. ‘സുഡാനി ഫ്രം നൈജീരിയ’ എന്ന ചിത്രത്തിലെ അഭിനയത്തിനാണിത്. ഉച്ചയ്ക്ക് 12 മണിക്കാണ് സാംസ്കാരിക മന്ത്രി എ.കെ ബാലൻ അവാര്‍ഡ് പ്രഖ്യാപിച്ചത്. കുട്ടികളുടെ നാല് സിനിമകളടക്കം 104 സിനിമകളാണ് കുമാർ സാഹ്നിയുടെ നേതൃത്വത്തിലുള്ള കമ്മിറ്റി പരിഗണിച്ചത്.

57 പുതുമുഖ ചിത്രങ്ങളുണ്ടായിരുന്നതായി ജൂറി അറിയിച്ചതായി മന്ത്രി വ്യക്തമാക്കി. ടി.വി ചന്ദ്രൻ ചിത്രം പെങ്ങളില, ഷാജി എൻ കരുണിന്‍റെ ഓള്, ശ്രീകുമാർ മേനോന്‍റെ ഒടിയൻ, അമൽ നീരദിന്‍റെ വരത്തൻ, സത്യൻ അന്തിക്കാടിന്‍റെ ഞാൻ പ്രകാശൻ, പ്രിയനന്ദനന്‍റെ സൈലൻസർ, വി.കെ പ്രകാശിന്റെ പ്രാണ, സക്കറിയായുടെ സുഡാൻ ഫ്രം നൈജീരിയ, പത്മകുമാറിന്‍റെ ജോസഫ് തുടങ്ങി നിരവധി ചിത്രങ്ങളാണ് മത്സരരംഗത്തുണ്ടായിരുന്നതായി റിപ്പോര്‍ട്ടുകള്‍ വന്നിരുന്നത്. മികച്ച നടനാകാൻ ജോജു, ഫഹദ്, മോഹൻലാൽ, ജയസൂര്യ, ലാല്‍, ടൊവീനോ തുടങ്ങിയവരാണ് ആദ്യ സ്ഥാനങ്ങളിലുള്ളതായി പറഞ്ഞിരുന്നത്. മികച്ച നടിയാകാനുള്ള ചുരുക്കപട്ടികയിൽ ഐശ്വര്യ, ഉര്‍വശി, മഞ്ജു, എസ്തേര്‍, നസ്രിയ, അനു സിത്താര, നിഖില തുടങ്ങിയവരും ഉള്‍പ്പെട്ടിരുന്നു.

Back to top button