പെന്‍ഷന്‍ തുകയ്ക്കായി മകന്‍ അമ്മയുടെ മൃതദേഹം 3 വര്‍ഷം ഫ്രീസറില്‍ സൂക്ഷിച്ചു

മകന്‍ അമ്മയുടെ മൃതദേഹം 3 വര്‍ഷം ഫ്രീസറില്‍ സൂക്ഷിച്ചു

കൊല്‍ക്കത്ത: പെന്‍ഷന്‍ തുക കിട്ടാന്‍ മകന്‍ അമ്മയുടെ മൃതദഹേം മൂന്ന് വര്‍ഷത്തോളം വീട്ടിലെ ഫ്രീസറില്‍ സൂക്ഷിച്ചു. റിട്ട എഫ് സി ഐ ഓഫീസറായിരുന്ന ബീന മസൂംദാറിന്റെ മൃതദേഹമാണ് ലെതര്‍ ടെക്നോളജിസ്റ്റായ മകന്‍ സുവബ്രത മസൂംദര്‍ ശീതീകരിച്ച് സൂക്ഷിച്ചത്.

മൃതദേഹം കേടുവരാതിരിക്കാനുളള രാസപദാര്‍ത്ഥങ്ങളും ഇതിനായി ഉപയോഗിച്ചിരുന്നു. ബീന മസൂംദറിന് 50,000 രൂപ പ്രതിമാസ പെന്‍ഷനായി ലഭിച്ചിരുന്നു. മരിച്ച ശേഷവും പെന്‍ഷന്‍ തുടര്‍ന്നും കിട്ടുന്നതിനാണ് മകന്‍ അമ്മയുടെ മൃതദേഹം സംസ്‌കരിക്കാതെ സൂക്ഷിച്ചത്.

അമ്മയുടെ വിരലടയാളം ഉപയോഗിച്ചാണ് മരണശേഷവും ഇയാള്‍ പെന്‍ഷന്‍ തുക കൈപ്പറ്റിയിരുന്നത്. അഴുകാത്ത നിലയിലാണ് മൃതദേഹം പോലീസ് കണ്ടെടുത്തത്. ബീന മസൂംദറിന്റെ 90-വയസുള്ള ഭര്‍ത്താവും ഈ വീട്ടിലാണ് കഴിഞ്ഞിരുന്നത്.

Back to top button