Uncategorized

‘നസറുദ്ദീൻ ഷാ’ ഇന്ന് പിറന്നാൾ ആഘോഷിക്കുകയാണ്.

ബോളിവുഡിലെ ‘പ്രതിനായകവേഷത്തിന്‍റെ കുലപതി’യായ നസറുദ്ദീൻ ഷാ ഇന്ന് പിറന്നാൾ ആഘോഷിക്കുകയാണ്. ബോളിവുഡിന്‍റെ അതുല്യ പ്രതിഭയായ താരത്തിന്‍റെ അറുപത്തി എട്ടാം പിറന്നാളാണ് ഇന്ന് ആഘോഷിക്കുന്നത്. പദ്മശ്രീയും പദ്മഭൂഷണും മൂന്ന് ദേശീയ അവാര്‍ഡുകളും ഫിലിംഫെയറുമുൾപ്പെടെ സ്വന്തമാക്കിയ താരം ബോളിവുഡിന് നൽകി. സംഭാവന ചെറുതല്ല. നാഷണൽ സ്കൂൾ ഓഫ് ഡ്രാമയിലെ പൂര്‍വവിദ്യാര്‍ഥി കൂടിയാണ് നസറുദ്ദീൻ ഷാ.

ഉർദു-ഹിന്ദി ചലച്ചിത്ര ലോകത്തെ അറിയപ്പെടുന്ന താരമായി മാറിയ നസറുദ്ദീൻ ഷാ1949 ജൂലൈ 20ന് ഉത്തര്‍പ്രദേശിലെ ഒരു മുസ്ലീം കുംടുംബത്തിലാണ് ജനിച്ചത്. എന്നാൽ ഔദ്യോഗിക രേഖകളിൽ 1950 ആഗസ്റ്റ് 16 എന്നാണ് താരത്തിന്‍റെ ജനനവിവരങ്ങൾ രേഖപ്പെടുത്തിയിരിക്കുന്നത്.

ബോളിവുഡിൽ വ്യാണിജ്യ ചലച്ചിത്രങ്ങളിലും സമാന്തര ചലച്ചിത്രങ്ങളിലും ഒരേ പോലെ വിജയം കൊയ്ത അദ്ദേഹം ചില അന്തർദേശീയ സിനിമകളുടെയും ഭാഗമായി. ‘ദ ലീഗ് ഓഫ് എക്സ്ട്രാ ഓർഡിനറി ജെന്‍റിൽമെൻ’ എന്ന ചലച്ചിത്രത്തിലെ ‘ക്യാപ്റ്റൻ നെമോ’ എന്ന കഥാപാത്രം അവയിൽ ശ്രദ്ധിക്കപ്പെട്ട ഒന്നാണ്.

1980-ൽ പുറത്തിറങ്ങിയ ‘ഹം പാഞ്ച്’ എന്ന സിനിമയോടു കൂടിയാണ് നസുറുദ്ദീൻ ഷാ ബോളിവുഡിൽ ചുവടുറപ്പിച്ചത്. 1986-ൽ പുറത്തിറങ്ങിയ അദ്ദേഹത്തിന്‍റെ ‘കർമ്മ’ എന്ന സിനിമ വൻ ഹിറ്റാ‍യിരുന്നു. ദിലീപ് കുമാറായിരുന്നു അന്ന് ഇദ്ദേഹത്തിന്‍റെ കൂടെ അഭിനയിച്ചത്. 1988-ൽ നസറുദ്ദീൻ ഷായുടെ നായികയായി രത്ന പാഠക് എത്തിയ ‘ഇൻസ്പെക്റ്റർ ഗോട്ടേ’ എന്ന സിനിമയും പുറത്തിറങ്ങി. പിന്നീട് രത്ന പാഠക്കിനെ ഷാ തന്‍റെ ജീവിതത്തിലേക്ക് കൂട്ടി.

1993 ൽ പുറത്തിറങ്ങിയ ‘പൊന്തൻമാട’ എന്ന മലയാള മലയാള ചിത്രത്തിൽ ഷാ മുഖ്യവേഷം കൈകാര്യം ചെയ്തിരുന്നു. ചിത്രത്തിലെ ‘ശീമ തമ്പുരാൻ’ എന്ന കഥാപാത്രം അദ്ദേഹം അവിസ്മരനീയമാക്കിയിരുന്നു.

Tags
Back to top button