ശബരിമല വിഷയത്തിൽ സമരം ശക്തമാക്കാനൊരുങ്ങി ബിജെപി.

ശബരിമല വിഷയത്തിൽ

കൊച്ചി: ശബരിമല വിഷയത്തിൽ സമരം ശക്തമാക്കാനൊരുങ്ങി ബിജെപി. ശബരിമലയുമായി ബന്ധപ്പെട്ട വിവിധ ആവശ്യങ്ങൾ ഉന്നയിച്ച് 15 ദിവസം സെക്രട്ടേറിയറ്റിന് മുന്നിൽ ബിജെപി നിരാഹാരം നടത്തുമെന്ന് സംസ്ഥാനാധ്യക്ഷൻ പി.എസ് ശ്രീധരൻപിള്ള വാർത്താസമ്മേളനത്തിൽ പറഞ്ഞു. ബിജെപി സംസ്ഥാന ജനറൽ സെക്രട്ടറി എ.എൻ രാധാകൃഷ്ണൻ തിങ്കളാഴ്‌ച മുതൽ സെക്രട്ടേറിയറ്റിന് മുന്നിൽ നിരാഹാരമിരിക്കും.

15 ദിവസം നീണ്ടു നിൽക്കുന്ന നിരാഹാര സമരമാണ് ബിജെപി നടത്തുന്നതെന്ന് ശ്രീധരൻപിള്ള വ്യക്തമാക്കി. ശബരിമലയിലെ നിരോധനാജ്ഞ പിൻവലിക്കണം. കെ.സുരേന്ദ്രൻ അടക്കമുള്ള ഭക്തർക്കെതിരെ കെട്ടിച്ചമച്ച കള്ളക്കേസുകൾ പിൻവലിക്കണമെന്ന് ശ്രീധരൻപിള്ള ആവശ്യപ്പെട്ടു. കണ്ണൂരിൽ പ്രചരിച്ചത് ബിജെപി പുറത്തിറക്കിയ സർക്കുലർ അല്ലെന്നും ശ്രീധരൻപിള്ള വാർത്താസമ്മേളനത്തിൽ പറഞ്ഞു. ബിജെപിക്കെതിരെ വ്യാജ വാർത്ത പ്രചരിപ്പിച്ച സിപിഎമ്മിനെതിരെ ബിജെപി പ്രതിഷേധിക്കുമെന്നും ശ്രീധരൻപിള്ള വ്യക്തമാക്കി.

1
Back to top button