തരംഗമായി 10 ഇയര്‍ ചലഞ്ച്; കരുതിയിരിക്കണമെന്ന് വിദഗ്ധര്‍.

സാമൂഹിക മാധ്യമങ്ങളിലെല്ലാം തരംഗമായിരിക്കുകയാണ് 10 ഇയര്‍ ചലഞ്ച്. പലരും തങ്ങളുടെ ഫേസ്ബുക്ക്, ട്വിറ്റര്‍, ഇന്‍സ്റ്റഗ്രാം അക്കൗണ്ടുകളിലെല്ലാം 2019-ലെ ഫോട്ടോയും 10 വര്‍ഷം മുമ്പുള്ള അതായത് 2009-ലെ ഫോട്ടോയും ഒരുമിച്ച്‌ പോസ്റ്റ് ചെയ്യുന്നതിന്‍റെ തത്രപ്പാടിലുമാണ്. സെലിബ്രിറ്റികള്‍ വരെ ഇതിലുണ്ട്. എന്നാൽ ഇതിനുപിന്നിൽ ഫേസ്ബുക്ക് മറ്റൊരു നാടകം കളിക്കുന്നുണ്ടെന്നാണ് ടെക് വിദഗ്ധരുടെ അഭിപ്രായം.

ഇതിനുപിന്നിൽ ആര്‍ട്ടിഫിഷ്യല്‍ ഇന്‍റലിജന്‍സിനായുള്ള വിവരശേഖരണവും ലക്ഷ്യമിടുന്നുണ്ടെന്നാണ് ഇവര്‍ വാദിക്കുന്നത്. സൈബര്‍ വിദഗ്ധ കെയ്റ്റ് ഒനീല്‍ ഇതുമായി ബന്ധപ്പെട്ട് കഴിഞ്ഞദിവസം ചെയ്ത ട്വീറ്റാണ് ഇത് സംബന്ധിച്ച കാര്യം പുറത്ത് പറഞ്ഞിരിക്കുന്നത്. ആര്‍ട്ടിഫിഷ്യൽ ഇന്‍റലിജൻസിന്‍റെ സാധ്യതകള്‍ ഉപയോഗിച്ച്‌ ഫേഷ്യൽ റെഗഗ്നിഷ്യൻ അല്‍ഗോരിതങ്ങള്‍ക്ക് വിവരങ്ങള്‍ കൈമാറാൻ ഈ ചലഞ്ചിലിടുന്ന ഫോട്ടോകളിലൂടെ സാധിക്കുമെന്നാണ് ഇവര്‍ വ്യക്തമാക്കിയിരിക്കുന്നത്.

എന്നാൽ ഇതിനുകമന്‍റായി ചിലര്‍ പറഞ്ഞിരിക്കുന്നത് ഈ ചിത്രങ്ങളെല്ലാം ഇവരുടെ മുന്നിൽ നേരത്തെ ഉണ്ടല്ലോയെന്നും ഇത്തരത്തിൽ ശേഖരിക്കേണ്ടതിന്‍റെ ആവശ്യമുണ്ടോയെന്നുമാണ്. എന്നാൽ ഇത് സംബന്ധിച്ച് കെയ്റ്റിന് പറയാനുള്ളത് ഇതാണ്. അതായത് ഫേസ്ബുക്കില്‍ ഇപ്പോഴുള്ള ഉപയോക്താക്കളുടെ ഫോട്ടോകള്‍ പോസ്റ്റ് ചെയ്ത തീയതി മാത്രമേ കമ്പിനിയുടെ കൈവശം ഉണ്ടാകൂ.

എത്ര വര്‍ഷം മുമ്പ് എടുത്തതാണ് ആ ചിത്രം എന്നതിനെ കുറിച്ചുള്ള ആധികാരിക വിവരങ്ങളൊന്നും ലഭ്യമാകില്ല. അപ്പോള്‍ 10 ഇയര്‍ ചലഞ്ചില്‍ രണ്ട് കാലയളവുകളിലുള്ള ഒരാളുടെ ചിത്രങ്ങള്‍ ഫേസ്ബുക്കിന് ലഭിക്കുകയാണ്. ഈ ഡാറ്റ ഉപയോഗിച്ച് മുഖം തിരിച്ചറിയൽ, പ്രായമാകൽ തുടങ്ങിയവയ്‍ക്കായുള്ള അൽഗോരിതം നിര്‍മ്മിച്ചെടുക്കുകയാണ് ലക്ഷ്യമിടുകയെന്ന് കെയ്റ്റ് വാദിക്കുകയാണ്.

advt
Back to top button