ദസറ ആഘോഷങ്ങളോടനുബന്ധിച്ച് കഴിഞ്ഞ ചൊവ്വാഴ്ച മാത്രം വിറ്റഴിഞ്ഞ ബെൻസുകളുടെ എണ്ണം 200-ൽ അധികം

ഗുജറാത്ത് മുംബൈ മാർക്കറ്റുകളിൽ മാത്രമാണ് ഇത്രയധികം കാറുകൾ വിറ്റ് പോയത്

മുംബൈ: നവരാത്രി, ദസറ ആഘോഷങ്ങളോടനുബന്ധിച്ച് കഴിഞ്ഞ ചൊവ്വാഴ്ച മാത്രം വിറ്റഴിഞ്ഞ ബെൻസുകളുടെ എണ്ണം 200-ൽ അധികമാണ്. അതും ഗുജറാത്ത് മുംബൈ മാര്ക്കറ്റുകളിൽ മാത്രമാണ് ഇത്രയധികം കാറുകൾ വിറ്റ് പോയതെന്നതും എടുത്ത് പറയണം. ആഢംബരത്തിന്റെ മറുപേരായ മെഴ്സിഡസ് ബെൻസിന്റെ ആവശ്യക്കാരുടെ എണ്ണം ഓരോ ദിവസം കഴിയുന്തോറും വർധിക്കുകയാണെന്ന് പറയാം.

ചൊവ്വാഴ്ച മാത്രമാണ് ബെൻസിന്റെ 200-ൽ അധികം കാറുകൾ രാജ്യത്തിന്റെ രണ്ടു നഗരങ്ങൽ മാത്രം വിറ്റഴിച്ചത്. മുംബൈയിൽ മാത്രം 125 ബെൻസ് കാറുകളാണ് വിറ്റഴിഞ്ഞത്. ഇന്ത്യയിൽ ബെൻസിന്റെ ഉയർന്ന വിൽപ്പനയാണിതെന്ന് കമ്പനി പറഞ്ഞു. ഗുജറാത്തിൽ 74 കാറുകൾ ഉപയോക്താക്കളിലേക്കെത്തി.

ബെൻസിന്റെ സി ക്ലാസ് ഈ ക്ലാസ് മോഡലുകളാണ് ഏറ്റവും അധികം വിറ്റ് പോയത്. സ്പോർട്സ് കാറുകളായ ജി.എൽ.സി വിഭാഗങ്ങൾക്കും ആവശ്യക്കാരുണ്ടായിരുന്നു. അതേസമയം ഇന്ത്യയിൽ മാരുതി സുസുക്കി കാറുകളുടെ ഉത്പാദനം 17.48 ശതമാനമായി കുറച്ചു. കഴിഞ്ഞ മാസം മുതലാണ് കമ്പനി ഉത്പാതനം കുറച്ചത്.

Back to top button