ദേശീയം (National)പ്രധാന വാ ത്തക (Top Stories)

യുപിയിലും ബീഹാറിലും വോട്ടെണ്ണല്‍ ആരംഭിച്ചു.

ലഖ്‌നൗ: യുപിയിലും ബീഹാറിലും നടന്ന ഉപതെരഞ്ഞെടുപ്പിന്‍റെ വോട്ടെണ്ണല്‍ ആരംഭിച്ചു. ഉത്തര്‍പ്രദേശിലെ ഗോരഖ്‍‍പൂര്‍, ഫുല്‍പുര്‍ ലോക്‌സഭാ മണ്ഡലങ്ങളിലേക്കും ബീഹാറിലെ അറാറിയ ലോക്‌സഭാ മണ്ഡലത്തിലേക്കും ബാബുവ, ജെഹനാബാദ് നിയമസഭാ മണ്ഡലങ്ങളിലേക്കുമാണ് ഉപതെരഞ്ഞെടുപ്പുകൾ നടന്നത്.

ഏറ്റവും പുതിയ വിവരപ്രകാരം ഫുൽപൂറിൽ സമാജ് വാദി മുന്നേറുമ്പോൾ അറാറിയയിൽ ബിജെപിയാണ് മുന്നേറുന്നത്.

യുപി മുഖ്യമന്ത്രി യോഗി ആദിത്യനാഥും ഉപമുഖ്യമന്ത്രി കേശവ് പ്രസാദ് മൗര്യയും രാജിവെച്ചതിന തുടര്‍ന്നാണ് ഗോരഖ്‍‍പൂര്‍, ഫുല്‍പുര്‍ ലോക്‌സഭാ മണ്ഡലങ്ങളില്‍ ഉപതെരഞ്ഞെടുപ്പിന് വേദിയായത്.

ഈ രണ്ട് മണ്ഡലങ്ങളിൽ മായാവതിയുടെ ബഹുജന്‍ സമാജ് പാര്‍ട്ടി ബിജെപിയെ പരാജയപ്പെടുത്താനായി സമാജ്‍‍വാദി പാര്‍ട്ടിക്ക് പിന്തുണ പ്രഖ്യാപിച്ചിരുന്നു.

ഫുല്‍പുരില്‍ കൗശലേന്ദ്ര സിംഗ് പട്ടേലും ഗോരഖ്‍‍പൂരില്‍ ഉപേന്ദ്ര ദത്ത് ശുക്ലയുമാണ് ബിജെപിക്കായി മത്സരരംഗത്ത് ഇറങ്ങിയത്. ഗോരഖ്‍‍പൂരില്‍ പ്രവീണ്‍ കുമാര്‍ നിഷാദിനെയും ഫുല്‍പുരില്‍ നാഗേന്ദ്ര സിംഗ് പട്ടേലിനെയും ആണ് സമാജ് വാദി പാര്‍ട്ടി സ്ഥാനാര്‍ത്ഥികളായി രംഗത്തിറക്കിയത്.

ഗോരഖ്‍‍പൂരില്‍ സുരീത കരീമും ഫുല്‍പുരില്‍ മനീഷ് മിശ്രയും കോണ്‍ഗ്രസിനായി മത്സരരംഗത്തിറങ്ങി. ആര്‍ജെഡി എംപി മുഹമ്മദ് തസ്ലിമുദീൻ്റെ വിയോഗത്തെ തുടര്‍ന്നാണ് അറാറിയ മണ്ഡലം ഉപതെരഞ്ഞെടുപ്പിന് വേദിയായത്. മുഹമ്മദ് തസ്ലിമുദീന്‍റെ മകന്‍ സര്‍ഫ്രാസ് ആലം ആണ് ആര്‍ജെഡി സ്ഥാനാര്‍ത്ഥിയായി മത്സരരംഗത്തിറങ്ങിയത്.

Tags
advt

മറുപടി രേഖപ്പെടുത്തുക

താങ്കളുടെ ഇമെയില്‍ വിലാസം പ്രസിദ്ധപ്പെടുത്തുകയില്ല. അവശ്യമായ ഫീല്‍ഡുകള്‍ * ആയി രേഖപ്പെടുത്തിയിരിക്കുന്നു

This site uses Akismet to reduce spam. Learn how your comment data is processed.