അമേരിക്ക ഏര്‍പ്പെടുത്തിയ ഉപരോധം നീക്കണമെന്ന് ചൈന ആവശ്യപ്പെട്ടു.

അമേരിക്ക ഏര്‍പ്പെടുത്തിയ ഉപരോധം നീക്കണമെന്ന് ചൈന ആവശ്യപ്പെട്ടു.

ബീജിങ്: ചൈനീസ് സൈനികസ്ഥാപനത്തിനു മേൽ റഷ്യയിൽ നിന്ന് ആയുധങ്ങള്‍ വാങ്ങുന്നതിൽ അമേരിക്ക ഏര്‍പ്പെടുത്തിയ ഉപരോധം നീക്കണമെന്ന് ചൈന ആവശ്യപ്പെട്ടു. ഇല്ലെങ്കിൽ പ്രത്യാഘാതങ്ങള്‍ നേരിടേണ്ടി വരുമെന്നാണ് മുന്നറിയിപ്പ്. യുഎസിന്‍റെ ഭാഗത്തുനിന്ന് ഉണ്ടായ അകാരണമായ നീക്കത്തിൽ ചൈനയുടെ രോഷം അറിയിക്കുന്നതായി വിദേശകാര്യമന്ത്രി ഗെങ് ഷുവാങ് പത്രസമ്മേളനത്തിൽ പറഞ്ഞു.

യുണൈറ്റഡ് സ്റ്റേറ്റ്സിനെ ഔദ്യോഗികമായി പ്രതിഷേധം അറിയിച്ചെന്ന് ഗെങ് വിശദീകരിച്ചു.

യുഎസ് നടപടി അന്താരാഷ്ടബന്ധത്തിന്‍റെ പ്രാഥമികതത്വങ്ങള്‍ പോലും ലംഘിച്ചെന്നും ഇരുരാജ്യങ്ങളും ഇരുസേനകളും തമ്മിലുള്ള ബന്ധം വഷളാക്കിയെന്നും ഗെങ് പത്രസമ്മേളനത്തിൽ ആരോപിച്ചു.

ഉടൻ തെറ്റ് തിരുത്തി വിലക്കുകള്‍ പിൻവലിക്കണമെന്നും അല്ലെങ്കിൽ യുഎസ് പ്രത്യാഘാതം നേരിടേണ്ടി വരുമെന്നും മന്ത്രി വ്യക്തമാക്കി.

റഷ്യയിൽ നിന്ന് സുഖോയ് സു 35 യുദ്ധവിമാനങ്ങളും എസ് 500 സര്‍ഫേസ് ടു സര്‍ഫേസ് മിസൈലുകളും ഏറ്റെടുക്കാനുള്ള തീരുമനത്തിനു പിന്നാലെ ചൈനീസ് സേനയുടെ എക്വിപ്മെന്‍റ് ഡെവലപ്മെന്‍റ് ഡിപ്പാര്‍ട്ട്മെന്‍റിനു മേൽ വാണിജ്യവിലക്ക് ഏര്‍പ്പെടുത്തുന്നതായി യുഎസ് സ്റ്റേറ്റ് ഡിപ്പാര്‍ട്ട്മെന്‍റ് അറിയിക്കുകയായിരുന്നു.

റഷ്യയുമായി ഇടപാടുകള്‍ നടത്തുന്നതിന്‍റെ പേരിൽ മൂന്നാമതൊരു രാജ്യത്തിനുമേൽ സാമ്പത്തികവിലക്ക് ഏര്‍പ്പെടുത്തുന്നത് ഇതാദ്യമാണെന്നും റഷ്യയ്ക്കെതിരായ പ്രശ്നത്തിന്‍റെ പേരിൽ മറ്റു രാജ്യങ്ങളുമായുള്ള ബന്ധം വഷളാക്കാനുള്ള യുഎസിന്‍റെ തീരുമാനം ശുഭസൂചകമല്ലെന്നും അധികൃതര്‍ അറിയിച്ചു.

Back to top button