വരാപ്പുഴ ശ്രീജിത്ത് കേസില്‍ പൊലീസിനെതിരെ ഹൈക്കോടതി.

വരാപ്പുഴ ശ്രീജിത്ത് കേസില്‍ പൊലീസിനെതിരെ ഹൈക്കോടതി.

</p>കൊച്ചി: വരാപ്പുഴ ശ്രീജിത്ത് കസ്റ്റഡി മരണ കേസില്‍ പൊലീസിനെതിരെ വിമര്‍ശനവുമായി ഹൈക്കോടതി. ആര്‍ടിഎഫിന്റെ രൂപീകരണം നിയമവിരുദ്ധമല്ലെയെന്നും ശ്രീജിത്തിനെ പിടികൂടാന്‍ എന്ത് തെളിവാണ് ആര്‍ടിഎഫ് ഉദ്യോഗസ്ഥരുടെ കയ്യില്‍ ഉണ്ടായിരുന്നതെന്നും കോടതി ചോദിച്ചു. കേസില്‍ സി.ബി.ഐ അന്വേഷണം ആവശ്യപ്പെട്ട് ശ്രീജിത്തിന്റെ ഭാര്യ സമര്‍പ്പിച്ച ഹര്‍ജി പരിഗണിക്കവെയാണ് കോടതിയുടെ വിമര്‍ശനം. <p>

ആര്‍ടിഎഫ് രൂപീകരണത്തെ കുറിച്ച്‌ ഒന്നും അറിയില്ലെന്ന് എസ്പി പറയുന്നത് ശരിയല്ല. ആര്‍ടിഎഫുകാര്‍ എസ്പിയുടെ അനുവാദമില്ലാതെ പ്രവര്‍ത്തിക്കുമോയെന്നും കോടതി ചൂണ്ടിക്കാട്ടി. സ്വന്തം ഇഷ്ടപ്രകാരം പ്രവര്‍ത്തിക്കാന്‍ ഇതെന്താ വെള്ളരിക്കാപട്ടണമാണോയെന്നും കോടതി ചേദിച്ചു.

അതേസമയം, കേസില്‍ സി.ബി.ഐ അന്വേഷണം ആവശ്യമില്ലെന്ന് സര്‍ക്കാരിന് വേണ്ടി ഹാജരായ പ്രോസിക്യൂഷന്‍ ഡയറക്ടര്‍ ജനറല്‍ മഞ്ചേരി ശ്രീധരന്‍ നായര്‍ പറഞ്ഞു. കേസില്‍ പൊലീസ് നല്ല രീതിയിലാണ് അന്വേഷണം നടത്തിയത്. എസ്.പി ജോര്‍ജിനെ പ്രതി ചേര്‍ക്കാനുള്ള ഒരു തെളിവും ഇല്ല. ക്രമസമാധാന പ്രശ്‌നം കണക്കിലെടുത്ത് കൂടുതല്‍ പോലീസുകാരെയും ആര്‍.ടി.എഫിനെയും അയക്കാന്‍ മാത്രമാണ് നിര്‍ദേശിച്ചത്. നിയമവിരുദ്ധമായി ആര്‍.ടി.എഫ് രൂപീകരിച്ചതില്‍ എ.വി ജോര്‍ജ് നടപടി നേരിടുകയാണ്. എ.വി ജോര്‍ജിനെ സംരക്ഷിക്കേണ്ട കാര്യം സര്‍ക്കാരിനില്ല. തെളിവില്ലാത്തതുകൊണ്ടാണ് പ്രതിചേര്‍ക്കെണ്ട എന്ന നിലപാട് എടുത്തത്. ശ്രീജിത്തിനെ കസ്റ്റഡിയില്‍ എടുത്തത് ആത്മഹത്യ ചെയ്ത വാസുദേവന്റെ സഹോദരന്റെ നിര്‍ദേശപ്രകാരമാണെന്നും പ്രോസിക്യൂഷന്‍ അറിയിക്കുകയായിരുന്നു.

<p>എന്നാല്‍ കോടതി ഇതു പൂര്‍ണ്ണമായും മുഖവിലയ്‌ക്കെടുത്തിട്ടില്ലെന്ന സൂചനയാണ് പിന്നീട് വന്ന പരാമര്‍ശങ്ങള്‍ നല്‍കുന്നത്. റൂറല്‍ എസ്.പിയുടെ കീഴിലുള്ള ആര്‍.ടി.എഫ് പിന്നെ ആരു പറഞ്ഞിട്ടാണ് ശ്രീജിത്തിനെ കസ്റ്റഡിയില്‍ എടുത്തതെന്ന പ്രസക്തമായ ചോദ്യവും കോടതി ഉന്നയിച്ചിട്ടുണ്ട്.</>

Back to top button